رجعت من تانى ياقاسى

رجعت من تانى ياقاسى بتشتكى  وتقول ناسى

وجاى تضحك على ناسى 

بكلام غريب لاحصل ولا كان

انت اللى قلبك كان قاسى فاتنى وجرح احساسى

وراح وسابنى بلا استأذان

ومدام بقيت انت الناسى تجرح ولا حتى تواسى

بلاش تجيب سيره النسيان

بتشتكى لناسى وجيرانى  وتقول  دا غايب ولا جانى

وتمللى تسبق بالشكوى وانت اللى دايما الجانى

ماشافو قلبك وطبيعته  حايلته ياما وطاوعته

لكن جزائى اللى جنيته هجرت قلبى انت وبيعته

وجاى تضحك على ناسى بكلام غريب لا حصل ولا كان

انت اللى قلبك كان قاسى فاتنى  وجرح احساسى

وراح وسابنى بلا استأذان

من يوم م قلبى بدأ يهواك برموش عنيه انا ريحتك

ولا حاولتش مره انساك ولا فى يوم  سيبتك واحدك

وانت فت القلب وحيد وعشت متغرب وبعيد

لحد عمر القلب م شاب وراح شبابه مع التجاعيد

وجاى تضحك على ناسى بكلام غريب لاحصل ولا كان

انت اللى قلبك كان قاسى فاتنى  وجرح احساسى

وراح وسابنى  بلا استأذان

 

 

 متسأليش ايه السبب انى مفارق

مش لقى رد

ولا تحزنيش دا مافيش ياعيونى  سبب لايق

والله بجد

يمكن حد فينا مل ولا نور هوانا قل

جايز اتحسدنا بجد

مهما يكن سبب الفراق مهما يكون

متفكريش ولا تحزنيش

صبرى نفسك وقولى الله جاب الله خد

ولا أى حاجه كانت جدت وقلوبنا عايشه ربيع دافى

ولا فيه زعل نسمته عدت وهوانا  بحره

دا كان صافى

يانور عيونى ماتفكريش

مقدرش افضل ساعة بعيد

أنا لو بعدت النوم مايجيش حارجع قوام

وبسرعة أكيد

أنا لوبعدت أزى راح أعيش

وأستنى يوم فى البعد وحيد

مهما يكن سبب الفراق مهما يكن

متفكريش ولا تحزنيش

صبرى نفسك وقولى الله جاب الله خد