ياناسيه انك كنتى جارتى

ياناسيه انك كنتى جارتى وكنت انا ابن الجيران

نكرتى ولاّ افتكــرتى  لسّه عندى شوق زمان

ومهما غبتىّ او بعدّتـى ومهما فوتىّ ولاّ عودتّى

قلبى هو هو قلبى والحنان نفس الحنـانـ

ياناسيه اول مالقلوب دقت لبعض

وادتينى يومها وعد

ماتسبيش القلب عايش يوم فى بعد

ونعيش فى سعد

بدوب فى حبك فوق زمان واكتر اكتر من زمان

ياناسيه انك كنتى جارتى

وكنت انا ابن الجيران

كان صغيرقلبى يومها بس حبه كان كبيــر

يوم ما قدمتيله حبك من ساعتها راح يطير

بدوب فى حبك فوق زمان

واكتر واكتر من زمان

ماتحسبيش انك كبرتى  دا الغرام مالوش اوان

ياناسيه انك كنتى جارتى

وكنت انا ابن الجيران

نكرتى ولا افتكرتى

بعد ماغيبتى ونقلتى من مكانك

عارفه طبعا ياحبيبتى

ان قلبى هو أقرب ما ف جيرانك

ون حاولت اوصف فى شوقى يضيع قوام منى الكلام

ون بدأت احكى مشاعرى رموش عنيكى تقول سلام

بدوب فى حبك فوق زمان واكتر وأكتر من زمان

ياناسيه انك كنتى جارتى

وكنت انا ابن الجيران

حبيب القلب اشواقى بتكبر يوم عن التانى

وحبك غطا ع الباقى واتربع فى وجدانى

يخدنى بعيد ولا يجيبنى يشاغل فيا ويسينى

بيحلاله يشوف دمعى بيحلاله يعذبنى

اقول له ارحمنى مش راضى بلاش تكوينى مش راضى

يقدم خطوه مليانه  ويرجع سبعه ع الفاضى

ولا كحلت بيه عينى  ولا سمرشى فى بياضى

حبيبى ارحمنى م الحيره وانت بعيد تمللى هناك

وخلص قلبى م الغيره على حبك من اللى هواك

تعيشنى كدا ف توهه  فى دنيا عنيه حبوها

ياتبعد عنى وتسيبنى ياتيجى انسعد وياك

داحبك غطا ع الباقى واتربع فى وجدانى

يخدنى بعيد ولا يجيبنى  يشاغل فيا ويسينى

بيحلاله يشوف دمعى  بيحلاله يعذبنى

اقول له ارحمنى مش راضى بلاش تكوينى مش راضى

يقدم خطوه مليانه  ويرجع سبعه ع الفاضى

ولا كحلت بيه عينى

ولا سمرشى فى بياضى

بطلت اضحى عشان مخلوق

بطلت اضحى عشان مخلوق

بطلت انام الليل مفلوق قلقان على ده اودى اودول

ولا حد بيبقى عليا قلوق

انا عمرى ما حرجع تانى خجول

ولا عودت اعيش بادب ولا ذوق

ولاحايل حد ولا اترجاه ولا يوم على حد حكون مدلوق

ولا راح انقى كلام مترقى ح قول الكلمه مادام محزوق

راح اعلم قلبى يبقى جحود

وحقول لضميرى خلاص مرفود

وحخالف وامشى بعكس الناس

ون قالوا البيض راحقول السود

وحعيش من غير احساس وشعور

وراح ابنى ما بينهم اعلى سدود

وراح ارمى النيه الحلوه بعيد

واستنى عليها ياكلها الدود

ولا حرجع تانى واعمل خير م انا بعمل خير الاقيه ما يعود

فكيت فى خيوط حليت فى عقد ومناهم خيطى يعيش معقود

الناس كلها مليانه شرور دا يااما حسود ويا اما حقود

الود خلاص والرحمه خلاص

والحب ما بنا ما عاد له وجود

صعبان على نفسى انى اشوف نفسى 

تايه  مع اللى تاه

صعبان على حالى انى اشوف ياسى 

 ونا بتقتل  ويـاه

صعبان على عينى تلقانى رغم الحال 

بغزل خيوط  ماساه

لكن بعون الله راح ييجى يوم وانول

كل اللى  بتمناه

وح رجّع اللى فات واعدى ع النكبات 

واللى حصل  حنساه

وشى بيضحك اه لكن فى قلبى الاه ساكنه 

وليها  بيوت

باب الامل مقفول جوايا ميت مقتول 

عايشين فى حاله موت

ومركبى بتوه بعد الشراع ماطووه 

ماشيه فى بطن الحوت

لكن بعون الله راح ييجى يوم وانول

كل اللى  بتمناه

وح رجّع اللى فات واعدى ع النكبات 

واللى حصل حنساه

ارضى وعايزه عزيق وفى سكتى خوازيق 

بمشى عليها وافوت

قطرى وماله قضيب ماشى بقدر ونصيب

 فى محطتى ما يفوت

وناسى مش داريين وكلهم هاربين ولابيساووش سحتوت

لكن بعون الله راح ييجى يوم وانول

كل اللى  بتمناه

وح رجّع اللى فات واعدى ع النكبات ساعدنى ياالله

لسانى صاحب الصوت من بعدما كان صوت

بيقول دهب وياقوت

اصبح كما المخروس غالى الثمن مبخوس

وبقول عليه هلفوت

مـا عادش تانى يثور طلع له فوقه صخور

وتحت منه سكوت

لكن بعون الله راح ييجى يوم وانول

كل اللى بتمناه

وح رجع اللى فات واعدى ع النكبات

ساعدنى ياالله