خلاص نسيت

خلاص نسيت قوام كل اللى فات ..؟؟

حب السينين قتله السكات  ؟؟

والغرام اللى احنا عشنا  نغنى بيه

والحنان الى اتفقنا ف يوم عليه اصبح

فى حكم الذكريات؟؟

ياللا كفايه علينا سكات ياللا نعوض كل مافات

قبل اوان الحب مايمشى نرجع نندم ولا نلحقشى

نفرح يوم زى الاحباب  ويكون ضاع العمر وغاب

بعد ما جرح القلب شفا ليه

بتصحى النار جواه ؟؟

بعد م عاش على حضن دفا  جاى تألمه

وبتبدى شقاه ؟؟

اصلك لما تغيب وتسيبنى بلقى غيابك بيعذبنى

ون غيّبت عليك بسؤالى القى خيالك جه يحلنى

ياللا كفايه ياللا نعوض كل مافات

قبل اوان الحب مايمشى نرجع نندم  ولا نلحقشى

نفرح يوم زى الاحباب ويكون ضاع  العمر وغاب

باستناك ونا مليان شوق واصل بيا لغايه فوق

طول م انا عايم وسط الموج  بحلم بيك  ترمى لى الطوق

اصلك لما تغيب وتسيبنى بلقى غيابك بيعذبنى

ون غيّبت عليك بسؤالى القى خيالك جه يحاسبنى

ياللا كفايه علينا سكات  اللا نعوض كل مافات

قبل اوان الحب مايمشى نرجع نندم ولا نلحقشى

نفرح يوم زى الاحباب ويكون ضاع

العمروغاب

أنتى مش محتاجه أقولك

الزمان غيرنى ليه

انتى عارفه كل حاجه ما في شيىء

احكى عليه

انتى مش محتاجه منى حاجه تثبت

عشقى ليكى

اوتكون شاهد لحبى او دليل خوفى عليكى

العليل بيبان عليه حتى لو مش راح يقول

انه كان بايت عليل

انتى مش محتاجه منى حاجه تثبت

عشقى ليكى

او تكون هى الدليل

من غير لاموجه عاليه جايه ولا كانش

فيه ريحه القلق

لقيت هوايا تاه فى بحرك

ولا انتشلته من الغرق

حسيت بان هواك ياناسى كان كلام

على الورق

أمثال الجدود

أمثال الجدود

قال الجدود والعم  امثال كتير وحكم

من كتر قول الفم  حافظ كلامهم صم

وعشان ما يتبخرش  هاتوا ورق وقلم

وعشان ما يتنتورش لمُّوا اللى راح يتلم

وعشان ما نتحيرش ارموا اللى فيه الغم

العمر عمر العقل والسن مش بالكم

والشاب شاب القلب  والشيب مش بالهم

والخفه مش فى الشكل  الخفه جوه الدم

ان دبلت الورده فيه العبير يتشم

ولكل فول كيال بس أوعى يوم تتخم

فول اتقسم نصين لمين شبيه فى الدم

اردب ما هو ليك ما تجيش في كيله يا عم

يملى العفرمعاليك والخير حيقلب غم

الضحكه ليه طالعه صفرا فى لون كركم

السن دا بالسن والبادى الاظلم

والقشه فوق القش ضهر البعير تقسم

واللى عمل يوم خير مايجيله يوم يندم

واللى النهارده امام مسيره يوم يتأم

انا وبن عمى نكون سوى ضد اى غريب

ونا ويا اخويا اكون سوى ضد ابن العم

ابعد بعيد ع الشر وغنى له تسلم

والشهره راح تمتد نار فوق العلم

والوز ابنه يعوم لو غرقوه فى اليم

دارى الشموع حتقيد نورها يزيد ويعم

مين حب ما يكرهش والحب يتنغم

والكُره ما بيدومش والحقد راح يهدم

والحب جوه القلب مش غنوه قالها الفم

سهم الحبيب ما يصيبش لو غرقوه بالسم

الدنيا كاس بيدور  يسقينا فَرْحْ وغم

وجعان فى سوق العيش بايت وبيه يحلم

والأكل لجل نعيش والعيشه مش للمم

الدنيا أكل وشرب عند البقر وغنم

واللى سم لازم يدوق السم

راح تجرى جرى وحوش  رزقك وبس تلم

عروسه راح  تنزف والناس لها بتتلم

دموعها نازله ترف دى دموع فرح مش غم

لو مات حمار عمده الناس عليه تتلم

ولو يموت هو ولا حد بيه يهتم

بيقابلك الصاحب بالحضن يخدك ضم

تضحك لك القوره وكلام جميل الطعم

لكن دى الصوره شايله وراها اللغم

في الوش دا مرايا فى الضهر

تلقي السهم

يامحول النقا

يامحول النقا من بعد م اتسقا من حلو مايتك

وبكل قدرتك لنخل عالى فوق

يرجع يجيب نقا

يامعلم الفروع تطلع من الجذوع

مالهاش سكه رجوع

بشيعه ولا جوع  راح تبقى مورقه

يامعلم الطيورتلف الكون تدور

تملاه هنا وسروروغناوى وزقزقه

تلم قشها تغزل فى عشها  تبنيه كما البيوت

دى قدرتك بقى

يامخرج الفراش من بعد لما عاش

فى قلب الشرنقه

قال ايه مابدهاش ساب معبده الحرير

وراح دنيا الشقا

اما عن الانسان مش لاقى من كلام

يتقال على فضلك

انا بس من فضلك  بدعى يدوم فضلك

تهديله فى الاحوال

وقلبه املاه تقى 

من حلو لمر ايام بتمر

عماله تجر حبه ف حبه فى رصيد العمر

نصها بيسُر نصها ما يسُر

وحاجات بتفيد وحاجات بتضر

وحاجات بتركز فيها قوى

وحاجات بنعدِّى عليها نمر

وساعات م الفرحه نطير على فوق

وساعات رجلينا ما عايزه تجر

وساعات شجعان وساعات بنهر

وكتير وكتير م الفرحه نقر

ونقول اللهم اجعله خير ربنا يستر

وساعات صامدين وساعات خايفين

وعرقنا يخر

وساعات احرار وساعات الحرما يبقاش حر

وساعات نتغر فى دنيا تغُر

والعمر خيوط

عمَّاله تكر

ياللى راكبك الغرور ماتغرك الدنيا الغروره

كله زايل راح يغور واحنا بس  صوت وصوره

اللى دايم وجه ربك

شوف اياته سوره سوره

راح تلاحظ  شىء صغير لوتبص على النافوره

تلقى مايه منها طالعه ازحه قالعه دايره دوره

شادّه حيلها فوق بتعلى  ومهما تعلى فوق وتعلى

ومهما كان حجم الماسوره ليها دايما حد اعلى

تنتهى عنده الخطوره

تترمى عالارض تانى ماتبانش ليها اى صوره

اهلى قالوم فى المثل الحكمه المشهوره

ما طار طير وارتفع  الآ وقع رقبته مكسوره

اما فى ساعه الحساب  عند حاكم السحاب

راح يطالبك بالفاتوره

واما تبدأ فى السداد  مش حينفع مهما زاد

جاه ومال ولاّعتاد  او نفوذ  ولاّ كنوز

ولا ملكك م القصور ولاّقالعه بالف سور

كل دا مالهوش ضروره

اللى مالك هو ربّك

اوعى تفخر بامتلاك اوعى تستعجل هلاكك

اوعى يملاك الغرور 

 

ياللى طلَّعت النبات من بين خلايا التقاوى

ياللي علمته يبات ويصحى بالوحى السماوى

ياللى خضًّرت الجبال من غير

سماد ولا كيماوى

ياللي علمت الطيورالزقزقه وفن الغناوى

ياللى قلت الفيروسات دى بتمرض دى تداوى

اكفينا من شر النفوس

وصونَّا من شر البلاوى

اهدى سكة كل عاصى واملا قلبه نور سماوى

واستجيب لكل تايب

ع الهدايا قلبه ناوى