المسافه

المسافه كل مادا بتبعد اكتر

والمعانده كل مده بتبقى اخطر

والغيوم كست سمانا الصافيه جدا

والذبول ملاك يا ورد وكنت اخضر

الحداد زيّن مكانّا من سواده

والقمر راح وارتدى بدله حداده

وطول يادنيا م انتى كحلى

للاسف يوم بعد يوم عماله تحلى

مين يخلى الدنيا رعد

وجو اصفر

والسباق على مين يزود واللى يقدر

مين ح يبقى ياجماله

هو لشطر !!!!!!!

انسى اللى فات حبيبى انسى اللى فات وعدى

كفايه سيبنا هوانا صدّا

تعالى نفرح بقى ياسيدنا تعالى نجلى

القلوب بايدنا

حتبقى صافيه ولونها فضه

بدال ما نلقى الهموم شالتنا

بدال ما نلقى العذاب تالتنا

بدال مانندم على حالتنا

تعالى نحيا اللى جاى موده

كفايه اسوه بلاش معانده

تعالى نفرح بقى ياسيدنا

تعالى نجلى القلوب بايدنا

حتبقى صافيه ولونها فضه

مين الحلو اللى هناك ده

مين الحلو اللى هناك ده

ايه النور اللى اليوم جه

زى ما قاللى نفذ وعده  لما عرف ما جرالى ف بعده

كان اليوم بيطول فى غيابه  ياما قسيت الويل من بعده

زاد اليوم النور والضى  وادى الحلو بيظهر جى

بعد ما غرقنى فى بحوره جى الحلو وفارش نوره

قاللى خلاص الدنيا حتضحك

وحيرجع تانى يزورنى وازوره

جالى الحلو القاسى العندى جالى بنفسه لغايه عندى

لما عرف ايه قيمه حبى لما ضناه الشوق من بعدى

جه وحلف ما حيبدأ عندى   ولا حيكرر ايام من دى

زى ما قاللى نفذ وعده  لما عرف ما جرالى ف بعده

كان اليوم بيطول فى غيابه  ياما قسيت الويل من بعده

كنت بشاركه ف كل اموره جه غرقتى الموج ف بحوره

سابنى الحلو وراح ولا قالشى لما هجرنى انه حيمشى

او حيغيب علشان ماسهرشى

بعد ما لفو عيونى ودارو علشان القى مكانه وداره

جالى الحلو القاسى العندى جالى بنفسه لغايه عندى

لما عرف ايه قيمه حبى لما ضناه الشوق من بعدى

جه وحلف ما حيبدأ عندى   ولا حيكرر ايام من دى

زى ما قاللى نفذ وعده  لما عرف ما جرالى ف بعده

كان اليوم بيطول فى غيابه  ياما قسيت الويل من بعده

عشنا احبه سنين هايمين  نسهر ليلنا ولا نايمين

والا زمانه ما هل هلاله انا م الليله خلاص حفضاله

عمرى ما حنسى جمال ايامه

اويوم انسى كمان افضاله

اول عينى ماشافوه قامو بلاحضان اخدوه قايلين

مين الحلو اللى هناك ده   ايه النور اللى اليوم جه

زى ما قاللى نفذ وعده  لما عرف ما جرالى ف بعده

كان اليوم بيطول فى غيابه  ياما قسيت الويل من بعده

  

عينى بارده عليك ياعريسنا

ياعريسنا عليك عينى بارده

راح تاخد احلى عروسه

اموره   وزى الورده

عينى بارده حتاخد واحده

من عيله اصيله تشرف

حتخلى حياتك جنه والحب عليها يرفرف

بدل العزوبيه دهيه  اللى بتتعب وتقرف

حتناسب احسن عيله والحظ بدأ يضحك لك

وحتلقى خلاص م الليله الشمعه اللى حتولعلك

حتشيلك جوه عنيها خد بالك بس عليها

عينى بارده عليك دى عيلتها من احسن ناس ياعريسنا

شهرتهم بادئه بطنطا  وبتوصل بعد قويسنا

شايفك ياعريس مبسوط شايفك ياعروسه مبسوطه

زغروطه عشان عروستنا وعريسنا كمان زغروطه

راح تاخد ست الكل سنيوره وزى الفل

قمرايا فى سماك طالعه وجنينه عليها تطل

كل مره لما اقابلك

كل مره لما اقابلك القى نفسى  جاى قابلك

نفسى مره لما اواعدك القى نفسى  جى بعدك

نفسى مره تكونى صادقه وعند وعدك

نفسى احس بشوق اليا بعد غيبتى

وطول بعادى

مش مقابله فاتره بايخه وكل حرف فيها عادى

نفسى احس فى يوم بلهفه انتظارك

واللى جايلك ده حبيبك  مش قريبك ولا جارك

نفسى اشوف مره صوابعك  قاعده  بتعد الدقايق

مش الاقى رجوعى ليكى شى غريب  اصبح يضايق

نفسى المح لما اجيلك لفته منك ع اليمين وع الشمال

نفسى اشوف الوش وشك زاينه عشك بالنضاره والجمال

امتى يارب الخليقه  راح تحقق دى الامال??

شوف مهما تقول فى كلام معسول

ورقيق ولطيف

وماهوش عادى

انا مش معقول راحصدق يوم

انك بتحاول اسعادى

فكرك حنسالك ما عملته معايا فكرك حغفرلك

جريان دمعايا

دا اللى بتلسعه مره الشوربه تانى مره

بينفخ  فى زبادى

( هى )

شوف مهما تقول !!!

راح ابطل اقول فى كلام معسول ..

و رقيق ولطيف

من جوه القلب وبكل الحب

عشان اعمى القلب

دايما بيصد ويشكك دايما فى ودادى

طب حعمل ايه؟؟ والقسمه ديه ليه؟؟

ليه دايما احساسك غير عادى !!!!

مانا ياما غفرت يامااستحملت حاجات

وحاجات تلغى فؤادى

ربك موجود هو المعبود قادريهديك

وتحاول مره اسعادى

احسن انا ايه تعبت كتيررر م الوقعه دى.